A zat leh a ni ngeia tih finfiahna awm lo mah se, United Liberation Front of Assam (Independent) chuan an pawl zawm tur leh inbiakpawhna atan social media an hmang tangkai hle niin Assam Police-a Special Branch-a mi, Pallab Bhattacharyya chuan a sawi.
“Miin an zawm thut duh lem lo niin kan hria a; mahse, social media hmang hian zawi zawiin an inthlem thin a ni,” tiin Special D-G Bhattacharyya chuan a sawi.
Dan pawna awm, ULFA(I) hian thla hmasaa Tinsukia-a Bengali tawng hmang an thah hnuah software engineer Abhijeet Gogoi leh zirlai pawl hruaitu, Pankaj Pratim Dutta ten an zawm.
September 1 atang khan Tinsukia leh Udalguri district-a mi 11 velin an zawm tawh a, police hnena inpe 11 an awm bawk a. Tinsukia district-ah hian kum 2017 khan thalai 9 leh 2018-ah 17 laiin an zawm tawh niin police-te chuan an sawi.