Champhai Bawrhsap James Lalrinchhana’n nimin khan Vanzau, Zawngtetui leh Bungzung khua te tlaw- hin, khawtlang hruaitu te leh tlawmngai pawl hrang hrang aiawhte kawmin khawtlang mamawhte a hlan a. Hmun- hma pawimawh hrang hrangte a tlawh bawk.
Khawtlang mamawh te a hmuna enfiaha zirchian a pawimawh thu leh khawtlang hruaitute nena sawihovin awmzia thui tak a neih thu Champhai Bawrh- sap chuan a sawi a. Kh- awtlang hruaitute chu rualelna dik nei chunga tan la tur te, hmathlir thui tak neia khawtlang mamawh leh tul te ngaihtuah thin tur te in a chah.
Champhai Bawrhs- ap chuan khawtlang hruaitute chu zirna dah pawimawh hmasaber tura chahin, faina ata- nga intan hriselna nga- ipawimawh tur te, ramngaw leh nungcha hum- halh kawnga tan la zel tur te, ruihhlo laka thalaite fihlim theihna tura sports hmanga chona siam tum tur tein a chah a. Nakin lawka ram leh hnam innghahna ni mai tur thalaite khawvel hmabak eng tak siam tura tanho a pawimawh thu sawiin, khawvel changkang chho zelin a kentel information technology lama hmasawn na hrang hrangte an zir ve zel theih nan school zirtirtute leh khawtlang hruaitute chu theihtawp lo chhuah tlang turin a chah.
Khawtlang hamthat- na haichhuah leh inrelbawlna tha taka kalpui thei tura dan leh hraite ngaipawimawha zirchiang thin tura chahin, mamawh an neihte leh rawtna an thlen duh te inthlahrung lova dist thu- neitute hnena thlen thuai thin turtein a chah bawk.
Champhai Bawrhsap hian Vanzau, Zawngtetui leh Bungzung khua leh a chhehvela hmun- hma pawimawh – Health Sub-Centre, Govt. Primary, Middle leh High School, Anganwadi, infiamna hmunhma, Community Hall, YMA Hall leh inkalpawhna kawng te a tlawh a. Mamawh leh tul te khawtlang hruaitu VC leh NGO htuaitu te sawipuiin, ma- mawh an lo thlen te tihpuitlin a nih theih nan theihtawp chhuahpui a tum thu a sawi a ni.