Aizawl : Champhai District Silver Jubilee Celebration Committee chu nimin khan a vawi- khatna atan an Chairman Champhai Bawrh- sap James Lalrinchhana hovin an thukhawm a. Champhai District Silver Jubilee chu February 2024 chhunga lawm ni se, an ti.
Champhai District Silver Jubilee lawmna program leh a kaihhnawih thil pawimawh dangte buaipui turin Sub Committee pathum – Souvenir Sub Committee, Monument Sub Committee leh Celebration Sub Committee an din a. Sub Committee te hi an hmalak dan tur theuh lo inruahman fel tura tih niin, committee lehpek January thlaa neih turah report kimchang thehlut hman tura tih an ni.
Champhai District Silver Jubilee Celebration Committee-ah hian Chairman chu Champhai Baw- rhsap James Lalrinchha- na, Vice Chairman Ch- amphai Addl DC M. Misael leh Member Secretary Lalrinawma Khiangte, SDO (S) te an ni a. Sorkar official-te, DC staff welfare, MJA, Sub Hqrs YMA, MHIP, MUP, Joint VC North leh South te, Lalnunmawia Vengthlang North, Vanlalhuma Kahrawt, L. Khuma Var- te Vengthlang North, T. Zarema Kahrawt, K. Lalmawia Vengthlang, Lal- hlupuia Venglai, Lalhmingliana Venglai leh C. Laldingliana Vengsang te member an ni.