Congress party in nimin khan kumin atan an party office kharna hun Congress bhavan-ah an hmang a, an president Lalsawta’n an party chu an tlakna sang mah se an bei zawl dawn a, an tho leh dawn tih a sawi.
Lalsawta chuan Congress chu beidawng a thu mai mai thiang an ni lo tihte, mipuiin duh rih lo mah se an duhna turin an in siam tha anga an hmaah beisei eng a awm a, chu chu an zui zel dawn tih a sawi a. MLA inthlanpui neih zawh takah khan beiseina sang tak nei mah se an beisei ang an ni pha ta lo tih sawiin, mipuite’n ZPM ‘Enchhin’ an duh a, an enchhin hma chu an rilru a dam dawnlo a, thinlung takin ka lawmpui, a ti a; sawrkar tha an siam chuan an sawrkar nen a inang reng tih a sawi.
Congress MLA C. Ngunlianchunga pawhin thu sawiin, a bial mipui ten MLA ni leh leh tura an thlan tlin avangin lawmthu a sawi a, Politic-a an khingpuite nen mimal in huatna neih loh tur a nih thu leh amah pawh a khingpuite nen an in haw zui lo a, amah puitute an lo ni zawk thin tih a sawi.
Nimina Congress party office kharna inkhawm hi MPCC Vice President Lalnunmawia Chuaungo chuan kaihruaiin, Lawngtlai West biala Congress ticket-a MLA atana thlan tlin C Ngunlianchunga lawmpuina hun hman a ni a, Mahila leh NSUI te’n lawmpuina thuziak an hlan bawk a ni.