Aizawl: Aizawl City Bus Owners’ Association (ACBOA) chuan thuchhuah siamin, tunlai hian City Bus chuan man atan pawisa note chhia, tet leh zawr bakah oil kaite mipuite hnen atangin an dawng nasa hle a, bank lamah dahluh a harsat avangin hetiang pawisa chhia leh zawr lutuk hi pe tawh lo turin mipui an ngen thu an sawi.
Tin, ACBOA chuan Krismas leh Kumthar chhungin hetiang hian City bus chawlh dan tur an siam bawk :
Ni 22-26, December chhung office an khar dawn a, ni 29, December atanga ni January 3, 2024 thleng an khar leh dawn bakah, January 4, 2024 ah office hawn leh inhlan tharna an nei dawn bawk. Heng an office khar ni tur zelah hian City bus te chu an tlan dawn lo bawk a ni.