Zo rimawi khawvela a vawikhatna ni turin Young Fella leh Mary Dawngi te music video, ‘Duhaisam’ chuan YouTube-ah 1 million view nei rang ber record a siam ta.
He music video, ‘Duhaisam’ hi January 13, 2024 zan lamah khan YouTube-ah dahchhuah tan niin, nimin January 17, 2024 chawhma dar 11 tlin hma deuh khan 1 million view nei rang ber record duhawm tak a hlawhchhuak ta a ni.
Young Fella chuan, “He Music video, Mizoram bik a mizo hla a million hit rang ber record siam tur a lo stream ngar ngar tute in zavai chungah lawmthu kan sawi e,” a ti.
‘Duhaisam’ music video hian hun rei tak 1 million view nei rang ber record lo chelh tawh, ‘Hriat Ka duh’ chu a rawn phet thla ta chiah.
He hla hi Young Fella phuah tho a lo ni lehzel a, Rebecca Lalawmsangi nena thiam taka an sak a ni nghe nghe.
‘Duhaisam’ music video hi chanchin buatsaih lai thleng hian view 1,079,341 a tling tawh a, a pung chho zel dawn, tih a chiang bawk.