Juventus striker Dusan Vlahovic chuan first half a goal hnih a khung zanah 3-0 in Sassuolo lakah hnehna an chang a, Serie A-ah pahnihnaah an dinhmun an sawhnghet.
Massimiliano Allegri pawlte hi league inkhelah a zawna match 15 tlawm lova an kalna a ni a.Allianz Stadium-ah an mikhualte lakah hian ball chang tlem zawk nimahsela an inrem nghet a, chiai lovin an ‘gameplan’ a fuh.
Minute 15-naah Vlahovic-a’n an goal hmasa a khung hnuah halftime hma in freekick atang an goal hnihna a khung a. Tun season a a goal 9-na a ni.
Kum 23 mi Vlahovic hian Juve a zawm hnuah beisei a pha lo nia sawi a hlawh fova, mahse tun season-ah erawh a chetthat chhunzawmin tunhnai league match hnuhnung pali atangin goal luhna turin tum nga a mawhphurtu a ni tawh. A coach Allegri chuan, “Inrintawkna a nei a, tang ulh lo turin ka fuih.” tiin a player chungchang a sawi.