Mali in Africa Cup of Nations a an inkhel hmasa berah South Africa an hmachhawn a, an khingpuiten an huntha neih an hlah chu remchangah chhawrin 2-0 in hnehna an chang.
Thawhlehni zana Group E inkhel hi Amadou Gon Coulibaly Stadium-ah khelh niin South Africa in minute 18-naah penalty an hmu a. Sikou Niakate chuan Mali striker Evidence Makgopa a kiu a nghawk avangin spot kick a chawi.
Mahse Percy Tau chuan South Africa tana pet in a khung lo.
Second half-ah Mali in minute 60-naah captain Hamari Traoré hmangin goal hmahruai an khung a. Minute ruk hnuah Lassine Sinayoko chuan an goal hnihna a khung lehnghal.
Hnehna an chan avangin Mali hian goal difference in Namibia lakah an group ah hma an hruai mek.
Khelmual ngai a inkhel hnuhnung zawkah Namibia winger Deon Hotto chuan minute 88-naah an chakna goal a khung a. An khingpui leh chak tura rinkai zawk Tunisia chu 1-0 in an hneh.
Tunisia hian an khingpuite hi FIFA rankings-ah hnuaichhiah viau mahse khelmualah erawh an ngam lova. Namibia in hlauhawm mumal siam tam zawkin hnehna chan an phu zawk.
Group D inkhelah Burkina Faso in Bertrand Traoré penalty khung hmangin Mauritana an hneh ve bawk.