Ultimate Fighting Championship in a fighter hmuhnawm leh mipui ngaihven hlawhte inchuh tura a siamchawp ‘BMF title’ chu a vawikhatna atan a kawltu nilai in humhim turin cage a luhpui dawn a, Justin Gaethje leh Max Holloway ten an inchuh dawn.
April 13 a Las Vegas a neih tur UFC 300-ah an intum dawn UFC hotupa Dana White chuan Thawhlehni zan khan a puang.
He lightweight bout hi round nga tur a ni a. Nikum July khan Gaethje hian UFC 291-ah Dustin Poirier hnehin BMF title hi a la a, kum 2019 khan Jorge Masvidal chuan title kawltu hmasa ber ni turin Nate Diaz a hneh a, mahse midang laka hum turin a inlanpui zui lo.
25-4 record nei Gaethje hi a zawna vawi hnih chaklai niin a inlan hnuhnung vawi kua atang vawi sarih a chak a. Fighter hmuhnawm bik a nihna chu UFC-ah tum 12 lai ‘fight night bonus’ dawng thei a ni.
UFC interim lightweight champion tawh na ni bawk.
A khingpui tur 25-7 record nei Holloway hi featherweight chanchin a fighter ropui ber pawl niin UFC a ding chunga kut inthlak thiam ber zinga an dah a ni a. Kum 32 mi hian kum 2019 chhungin fighter pakhat chiah – UFC featherweight champion Alexander Volkanovski chiah hneh loh a nei.
UFC 300-ah hian UFC women’s strawweight champion Zhang Weili leh Yan Xiaonan ten title an inchuh ve bawk ang.