Aizawl : AH & Vety Minister C. Lalsawivu- nga’n Health & Family Welfare Deptt-in Roy- ale Lalawi Hotel Conference Hall, Khatla-a ni hnih awh tur – Ui seh avanga natna awm Rabbies umbo na tura state leh district ruahmanna zirhona workshop chu ninim khan hawngin a telpui.
AH & Vety Minister chuan “kan ran vulh, a bikin mihringin kan chenpui nasat Ui chu kan venhim thata, vaccine lak lamah pawh tan kan lak a tul” a ti a. Ui bakah ran dang te pawh natna laka venna (vaccine) theihtawp chhuaha pek chu tihmakmawh a nih thu a sawi.
Theihtawp chhuaha ranvulhte natna laka venhim chu AH & Vety Department-in a ngai- pawimawh hmasak tur a nih thu AH Vety Minister chuan a sawi a. Ui seh avanga Rabies thihpui an awm thin chu pawi a tih thu sawiin, kum 2030 ral hma ngeia umbo a nih theihna tura theihtawp chhuah turin kalkhawmte chu a chah a ni.
He hun hmanpuitu dang Jt. Secretary, UD & PA & DM&R Zarzo- kimi pawhin Aizawl Municipal Corporation, Lunglei Municipal Council leh District Office kaltlangin kum 2030 ral hmaa Rabies natna um bo a nih ngei theihna tura an department enkawl kaltlanga dan leh hrai mumal tak siama hnathawh an tum thu a sawi bawk.