Kolasib-ah nimin khan Bawrhsap John LT Sanga hovin India ram puma tualchhung sawrkar thuam chak tura hmalakna, Rashtriya Gram Swaraj Abhiyan (RGSA) chu- ngchang inhrilhhriatna hun hman a ni.
Bawrhsap chuan Ko- lasib District-ah sawr- kar hmalakna tam tak kalpui a nih thu sawiin, hmalakna a hlawhtlin lehzual theih nan depar- tment hrang hrang ten an hnathawh leh hma- lakna inhriatpuitawna, a theihna apiangah an thawhho zel a pawim- awh thu a sawi a. RG- SA pawh Mizorama kalpuitu ber chu Local Administration Department (LAD) a nih rualin, department hrang hrangin an hriatpuia, an tel vena leh an hmalak ve theihna tur an hriat chian theih nan sensitisation meeting chu ruahman a nih thu a sawi.
RGSA-in a tum ber chu tualchhung sawr- kar, mipui rorelna (de- mocracy) bulṭhut, villa- ge council (VC)-te tha tihchak a nih thu Bawr- hsap chuan a sawi a. VC-te tel lova khawtlang hmasawnna hna a kal theih loh avangin department ten VC-te thawhpui thiam a pawi- mawh thu a sawi bawk.
Kolasib District ch- hunga sawrkar department hrang hrang hotute he hunah hian an kalkhawm a. District Local Administration Officer ST Lalhmingmawia’n RGSA hnuaia Kolasib district chh- unga hmalakna report a pe a. State Institute of Rural Development & Panchayati Raj (SIRD) Extension Training Ce- ntre (ETC), Kolasib-a Faculty (CD) T. Lalchhanhimi’n ‘Overview of RGSA’ tih thupui hmanga powerpoint pr- esentation pein, RGSA chungchang a sawifiah a. Zawhna leh chhanna leh sawihona hun an hmang bawk a ni.
Sawrkar thuchhuah- in a tarlan danin RGSA hi Ministry of Panchayati Raj hnuaia centrally sponsored scheme niin, hmasawnna ngelnghet leh tlo zawk a awm th- eih nana tualchhung sa- wrkar te tihchak leh tihhmasawnna tura ruahman a ni a. Tualchhung sawrkar fawng vuantute theihna leh thiamna hai chhuah leh tihpun a nih theih nan training hrang hrang hmanga hmalak niin, mahnia ro inrel thei tur te, an khua/ venga sawrkar hmalak- na hrang hrang ṭangkai thei ang bera an chhawr thiam theihna tur te, mi- dang puihna mamawh lova mahnia sum thawk chhuak thei tur tea zirtirna leh puihna pek an nih bakah, hnathawk ṭhate tan lawmman te siam ṭhin a ni.
Mizoramah chuan RGSA hnuaia hmalakna chu LAD-in kengkawh in, tualchhung sawrkar VC-te tan hmalakna hr- ang hrang kalpui a ni a. Kum 2023 December ni 11 thleng khan RGSA kaltlangin Mizoram pu- mah Panchayat Bhawan (VC House) thar 150 sak niin, 93 cheiṭhat a ni a. Common Service Centre (CSC) 15 din niin, VC hrang hrang hnenah computer set 243 sem a ni.
RGSA hnuaia Economic Development & Income Enhancement Project kaltlangin hna lian tak pathum – Arecanut Leaf Plate Production Centre, Bilkh- awthlir (Rs. nuai 49 project); Rural Homestay & Agro-Tourism Project, Tuipui D (Rs. nuai 84 project) leh Handloom Design Tr- aining cum Production Centre, Thenzawl (Rs. nuai 141.23 project) te thawh zawh tawh a ni a. Hnahthial, Khawza- wl leh Saitual-ah te District Panchayat Resou- rce Centre (DPRC) sak hna kalpui mek a ni.
Kolasib District bika RGSA hnuaia hmalaknaah Panchayat Bhaw- an sak thar 22 leh chei ṭhat 14 awmin, VC 10 chuang hnenah compu- ter set pek a ni a; Pangbalkawn, Bairabi North leh Saiphaiah te CSC din a ni. Kum 2021 khan Kolasib Venglai Village Council chuan India ram puma tualchhung sawrkar ṭha law- mman National Panchayat Award-ah Gram Panchayat Developme- nt Plan Award (GPD- PA) Rs nuai 5 a kengtel chu an dawng bawk.