Thawhtannia Ram Temple hawnnaa mi tur laddu nuai li zet chu Ujjain-a Mahakaleshwar temple-ah fun fel a ni tawh a, Ningani khan nuai khat fun belh leh niin Zirtawpni hian Ayodhya panpui a ni ang.
Laddu pakhat hi gram 50 vel zel niin a vangiin quintal 250 a tling dawn niin temple thuneitu pakhatin a sawi.
“Nuai li kan fun tawh a. Nuai khat dang vawiin (Ningani)-ah kan fun leh ang a. Zirtawpni hian truck pathum emaw, pali emaw hmangin Ayodhya kan panpui ang,” tiin Mahakaleshwar Temple Assistant Administrator Moolchand Junwal chuan phone hmangin Press Trust of India a hrilh.
Janwal-a hian Madhya Pradesh Chief Minister Mohan Yadav-an Ayodhya-ah chithlum an thawn dawn tih a sawi hnuah temple-a thawktu 150 leh pawn lam atangin pawla thawktuten laddu ni nga chhung an siam tih a sawi.
Mahakal shrine hung chhungah siam a ni tih a sawi bawk.
January 12 khan Bhopal-ah Yadav chuan, “January 22-a Ram Temple hawn niah hian Mahakaleshwar Mandir, Ujjain atangin Ayodhya-ah laddu nuai nga kan thawn dawn a ni,” tiin a sawi a ni.
Yadav hian Mughal emperor Babar-a’n Ayodhya-a temple chu a chhu chhia a. Tunah chuan an sa tha a, Madhya Pradesh-in hei hi a lawm ve theih dan tur a nih thu a sawi bawk.
Chhattisgarh chuan Ram Temple hawnna atan hian buhfai tha chi tone 300 zet Ayodhya-ah hian a thawn bawk.