Commerce & Industries changtu minister F Rodingliana chuan January 17, 2024 khan Delhi-ah North East Center for Technology Application and Reach (NECTAR) Director General Dr Arun Kumar Sharma chu kawmin, thlai thar lei leh hralh dan tur a sawipui.
F Rodingliana chuan Mizoram thlai thar lei leh hralh dan tur chungchanga hma lak dan turte leh thil pawimawh dangte a thlen.
Dr Arun Kumar Sharma chuan a bik takin sawhthing, hmarcha leh aieng te chu India ram chhung leh pawnah hralh pui a inhuam thu lo hrilhin, a hralhna kawnga a tam lamah harsatna a awm loh a rin thu a lo hrilh.
Nilaini vek khan Minister F. Rodingliana huan Small Industries Development Bank of India (SIDBI) Chairman aiawh, Sunbransu Acharya, Chief General Manager pawh kawmin, Handholding Policy atan cheng vaibelchhe 200 pek dan tur a sawi pui a. SIDBI Chief General Manager chuan Mizoram sorkar Finance department-in a remtih phawt chuan a pung tlemte awma puk tir dan tur lo ngaihtuah an tum thu a lo hrilh bawk.