Czech Republic rama pianphunga rualbanlo enkawlna hmuna kangmei chhuakah mi 8 vel an thi.
Germany ram nena an inrina hnaih tak, an ram khawthlang lam tawpa Vejprty khuaa chhiatna thlengah hian mi 3-in hliam an tuar bawk.
Kangmei chhuah chhan hi chiang taka hriat theih a la ni lo va. Chhanchhuah hna chu Czech mite bakah an thenawma German rescuer-ten an pui nghe nghe a; mahse, khua a chhiat em avangin an duh angin an che chak thei lo thung.
Tun tuma kangmei avanga chhiatna thleng hi kum 1990 hnu lama kangmei avanga chhiatna thleng lian leh ber niin Lidové Noviny chanchinbu chuan a tar lang a. Kum 200 khan Prague khawpuiah kangmei chhuakah chenna in nei lo mi 9 an lo kang hlum tawh bawk.
Vejprty khia hi an khawpui ber, Prague atanga hmarthlang lam km 100 vela awm niin kangmei hi an ram sanaa zing dar 4:49 (India rama zing dar 9:19)-a chhuak tan niin emergency services thupuangtu, Prokop Volenik chuan a sawi a. Chhanchhuah nan hian ambulance unit 7 bakah German lamin 2 an thawh ve bawk tih a sawi.
Volenik chuan kangmei hian in dang a kang kang lo hlauh niin a sawi.