Khawzawl Bawrhsap K. Lalrohlua’n Chawngtlai khua tlawhin, hmasawnna hnathawh mek – Planning Department hnuaia Puantahna In sak te, FOCUS hnuaia Agriculture Link Road laih te leh Chawngtlai Playground laih mek te bakah khawtlang hmun pawimawh te a enfiah.
Chawngtlai khawtlang hruaitute nen Chawngtlai Inpuia an inkawmnaah Bawrhsap K. Lalrohlua chuan Chawngtlai khua chu Mizo Historical Village a puan an ni tih a lo hriat tawh thu sawiin – Mizo pi leh pu te sulhnu vawnghima, an sulhnu te zah nachang an hria chu lawmawm a tih thu a sawi a. Chawngtlai chu District chhunga kuthnathawh leh infiamna kawnga khaw entawntlak ber pawl nia a hriat thu a sawi.
Zirna leh hriselna kawnga hmasawn chu mihring leh khawtlang thanna bulthut a nih thu Bawrhsap chuan a sawi a. Bawrhsap a nihna angin heng kawng pahniha hmasawn chu nga- ihpawimawh hmasakah a neih thu a sawi.
Chawngtlai khawtl- ang hruaitute chu kawi- kawm thin ang thapa inlungrual tura chahin; mimal, chhungkua leh khawtlang nun run mektu ruihhlo laka fihlim tura thalai te zirtir zel turin Bawrhsap chuan a ngen bawk.
Khawzawl Bawrh- sap K. Lalrohlua hian Khawzawl Bawrhsap a nih chhungin Chawngtlai chu ‘Khawzawl DC Model Village’ ah a puan thu a sawi a. Zir- na, eizawnna leh hri- selna kawngah hma an sawn zel theih nan theihtawp a chhuahpui tur thu a sawi.
Inkawmhona hunah Chawngtlai khawtlang hruaitute leh tlawmngai pawl hruaitute chuan an mamawh hrang hrang te Bawrhsap hnenah hian an thlen a. Bawrh- sap K. Lalrohlua leh Addl DC Lalfakzuala te chuan khawtlang mamawh te chinfel a nih theih nan thurawn te pein, hmalakpui theihna apiangah an tanpui tur thu an sawi.
Khawzawl Bawrh- sap chuan Planning & Programme Implementation Department ‘Village Level Developm- ent Programme’ hnuaia Entry Point Activity kaltlanga sak Puantahna in te, FOCUS hnuaia Agriculture Link Road km 5 a thui cheng nuai 20 senga laih te, Balaji Construction ten ‘Community Assistance’ hn- uaia Football Ground tur an laih mek te, Lal Nikuala Lungphun, Kh- awpui tan tlang te leh khaw chhunga hmasawnna hnathawh dang te a tlawh a. Chawngtlai Football Ground tur chu Khawzawl DC Office ngenna angin NH-06 khawih mektu Balaji Construction ten an laih sak a. Sawrkar pawisa seng miah lovin ni 41 zet khawl hmangin an lai tawh niin sawrkar thuchhuah chuan a tarlang.
Bawrhsap hi Addl DC Lalfak- zuala leh DIPRO Lalchhuanawma Ralte ten an tawiawm a ni.