- Lallunghnema, Charity Lodge
Consumer Huang hi mi eng emaw zatin min tui pui lo tih ka hriat rualin lo tui puitu an pung ve zel bawk a. Ka tel vena WhatsApp group thenkhatah chuan member-te thin-thâwngah a lût lo tih ka hria a. Mahse,consumer case eng emaw zat chu ka post thin thova,min lo welcome tâwk chu an awm ve reng mai.
Consumer-te khawih thil ang chi te hi mi tin khawih a ni a,ngaih zam mai mai chi a ni love,ka ti a ni..He tih laiin lawm leh chhiar a hlawh vak thin lo tih hriat theih takin comment emaw like hi ka hmu ngai meuh lo a ni.
Mi thiam kan tih mêk tam takin Consumer knowledge an nei tlêm hlê tih hi a dik ngai a nih chuan hrehawm ti leh rilru nâin ka awm fo dawn a.An nitin nun innghahna bul fûk vênhimna dan leh kalphung an hre lo a nih phei chuan chutiang mite chu mi vanduai tak an ni ngei ang.
Ni ! chutiang mi chu Mizoramah mi nung nuai têl an awm mêk a ni.A chhan chu,an ngaihven duh loh vâng a ni ber.Mahse,harsatna an neihin Consumer Activist-te biak râwn an thulh chuang lo!
Ka thu ziahte chu a liam mai mai lo tih ka hria a. Ka thu ziak atanga consumerism-a harh tharna chang hi an lo awm ve zêl a. Tun tumah pawh hian Mizo nu pakhat tum ruh, huaisen thil tawn ka rawn pho chhuak dâwn a ni.
Kan sawi fo thin ang khan Khualzinte hi consumer an ni a. Motor chuan man petu an nih avangin dikna leh chanvo an nei a ni. Transport Deptt. enkawlna hnuaia Bus service-te hi service provider an ni a.Private motor leh Bus-a chuangte himna leh hlimna chu an pe ngei ngei tur a ni a. An mawhphurhna a ni bawk.
Message II
Hruaii hian a sawi chhunzawm zel a…… berh ve tak leh chhang chhe takin bus-ah khan kan chuang a, chu avanga hnuai chhiah tâk leh hmai zang thal he haw a min tih avang khan ka rilru a na hle a ni. (Phone-a kan inbiakna thu umzui a, sawi a –llh) cheng 10 thu hla chauh mah nise, a phênah thil dik lo a awm nia ka hriat avângin ka rilru a lo awm hmasa ber,i thu lo post thinte avangin dan anga hma lâk a nih theih beiseiin ka inti pachang hrâm hrâm a ni. Ka vah velnaah pawh pawisa ka seng nual a, mahse ka dikna ka hailanna tur a nih avangin chhang chhe tak chung pawhin ka bei lêt ve a ni.
Message I
Ka pu, Vanlalhruaii Mission Veng vawiin a lo betu che kha ka ni e.
Chaltlangah complaint theh lut tura ka kal chu, Vanapa Hall bul zâwk a nih thu min lo hrilh angin ka zuk kal leh a, thawktu ten min lo buaipuiin complaint ka ziak ta a ni. Nau pawm chhangchhe chunga kan bus chuang kan duh reng vang pawh ni lo, naute a tah avanga leh a chhunga nau awih tlei theih a nih loh avanga kan chuan lohna fare return ka dil, min phalsak loh chungchangah i hnenah ka rawn tlu lut tawp mai a ni. Dan ang taka hma min lakpui turin ka ngen a che. STA office-in min rawn angin Bus Association lam, Ngaizel Office-ah pawh complaint ka va thlen a. Naktukah(13Dec2023) an lo koh tur thu min lo hrilh a ni. STA- a ka lehkha theh luh chu a thlalâk ka lo thawn che aw. Ka thu leh hla min lo ngaihthlaksak avangin lâwmthu ka sawi e.
Ka chhanna: I huaisen hle mai, ka ngaisang che.
Transport Deptt. hnena Hruaii thu thlen thenkhat ka la chhuak a. Lo chhiar teh u.
“Sikulpuikawn atangin bazar thleng chuang turin seat 1 ah kan thu a, conductor-in fare Rs. 10/- min khawn a
Khatla kâwn ka thlen thlâkin ka fanu chu seatah a thu ve ta a. Ka fanu chuan man atan Rs. 10/- min lâksak leh hnuin naute ka puak lai chu a tah tak avângin bus chhûngah awih theih a ni si lova, chhuk mai rilruk chungin conductor hnênah chuan ‘chuan’ loh fare chu min kir leh thei em tiin ka zâwt a, dan an neih loh thu leh ka duh chuan STA lam leh Consumer-ah pawh complaint a huam angin i hnenah complaint ka rawn thehlut a, nufa chhang chhia ka nih vâng leh berh taka ka chuan ve avangin min hnuai chhiah a nih phei chuan a rilru nat thlâkin min tham lo hlein ka hria a. Dan dik taka hma min laksak a, action min laksak turin ka ngen a che.”
Heta lang chu,bus conductor hi a hawih hâwm lo hle,he nu, nau pawm lai hi a hmusit,a fing vâr lo hle,Ning khawng a hre lo hle! Passengerte hmâ khua a ngai lo!
Hma lakna:
Transport Department hotute kan bia a,a tul anga hma la turin kan thlen a.Hmâ pawh an la chak khawp mai.Aizawl City Bus Owner Association Hruaitute pawh Pi Hruaii hian a pan bawk a.Anni,ACBOA lam pawhin hma an lo la nghal bawk a.An fel hle a ni.Action lâk pawh an tum nghal thu an lo hrilh bawk.
Bus conductor hna hi hna ropui tak, mipui rawngbawlna chi khat a ni a. Man chawina a nih avângin an mawhphurhna hi a sâng êm êm a ni. Miin a pawisa sên hû ang a hmuh loh chuan deficiency-in service leh unfair trade practice a ni. Dan bawhchhetu chu hrem theih a ni.
He nu huaisen hi a chhuanawm a, a entawn tlâk hle a ni.Hetiang mi hi tam tak kan mamawh a ni.
(Note:Dah hmasak tur Message 1 dah lovin Message 11 ka dah a.Min lo hre thiam dawn nia–llh)