Aizawl: AMC Ward III Corporator C. Lalchhandami chuan Inrinni zingkar khan 2022-2023 Property Tax Return Rs. 2,40,000 seng a sak, Ramhlun North Local Council House Vertical extension a hawng.
Hawnna inkhawm tawi neihah C Lalchhandami chuan local council house-te hi veng mipuiten veng chhung enkawl tura an thlanchhuahte rorelna in pawimawh tak a nih avangin a tangkai tih sawiin, “Eng party ta bik mah a ni lo va, mipui thlan chhuah apiangte rorelna in tur niin, a zahawmin a hlu hle a ni,” a ti.
C. Lalchhandami chuan Ramhlun North Local Council hruaituten Property Tax Return hmanga Local Council House Vertical Extension sum tlemte hmanga tha tak a an sa thei a lawmawm a tih thu a sawi bawk.