Kum 28 mi model Kendall Jenner hian tunlaia rilru lam hriselna tibuai ber zingami ‘anxiety’ a hmachhawn nasa hle a, Tuk thar a lo chhuak a, mi tam tak chuan nimina lama harsatna, buaina leh manganna te an thawhpui leh thin a, hunin a liampui tawh chung pawha liam ve phal lo ni awm hrim a, an la vuan nghet tlat thin leh hlimna tur tam tak aia la thlang zawk ni awm taka an khawsa fo thin chu tha a ti lo hle.
Rilru chi-aina a lo awm pawha buai phili mai lova, hahdam taka awm hram hram tumna te, hun thawl leh hun awl insiamsakna te hi Kendall Jenner hian a ngaipawimawh.
Zing khua a lo var a, hna tul leh thil pawimawh dang a tih hmâ in, awmze nei taka bul tan a ngai thutak hle a; deep breathing a nei hmasa thin. Mi tam tak chuan kan harh chiah hian rilru sawrbing lam aiin, phone kan khawih hmasa a, kan kheuh neuh neuh a, kan thil hmuh leh chhiarte’n rilru leh ngaihtuahna a la peng nghal vat thin.
Chu chuan ni thar bultanna turah kawngro a su in, a tha lo lam zawnga nghawng nei thei a ni a, rilru sukthlek a tihbuai theih vangin a hnu lam darkar 24 thlengin a vuaklet a awm fo thin a ni.
Kendall Jenner hian anxiety a neih thu hi a zep lova, anxiety a neih vang erawh chuan a inkhawngaihin, a inkiltawih lo thung. Mahni inkhawngaihna leh vanduai bik riaua inhriatna te thlengin a kalsan tawh.
- Heti ang hian Ni thar bultanna a nei thin:
1) Phone a khawih hmâ in vawi 10 vel thawk chhuak leh thawklut (deep breathing) vawi 10 vel tal a nei thin. A ngaipawimawh hle.
2) A rilru-a awm leh a thil tum te, a thil tih tur (to do list) a ziak chhuak thlap thin
3) A vawiin emaw thla khat chhung ang pawha thil tul leh pawimawh a tih te kimchang takin a ziak bawk
4) Malsawmna a dawn hrang hrang te a chhiar chhuak thin a, thil te tham leh ho lam anga ngaihah te thlengin lungawina leh lawm a zir thin
5) Ni lum a dawng tha
6) Thil tui lam a in a, tul a tihdan a zirin deep breathing a nei leh thin bawk.
Heng a thil tih leh chin thin hi midangte’n tichhin ve se, a duh hle. Kendel Jenner hi kum naupangte a nih lai khan anxiety vangin a talbuai tawh a, he mi chungchang hi ‘Kardashians’ thar hian tun-hnai khan a puang.
Chhungkua ang mai ni lo, mimal ang pawh larna leh hminthanin a thulhchilh atnag phei kha chuan rilru lam hriselna ah harsatna namen lovin a tlak buai. Anxiety a neih kha rilru mai ni lo, a taksaah pawh lang thei khawpin a tibuai.
“Damdawi In-a dahluh ka ngai a ni, tia ka inngaihtuah chang hi a tam khawp a, ka lungphu te a dik lova, ka thaw tha thei lova, min puitu ka mamawh hle thin. A châng phei chuan ka thi mai dawn ni te hian ka hre thin,” tiin Kendell Jenner hian a sawi.