China chhim thlang lam, Yunnan province-a Thawhtanni tuka lei minin mi 47 vel a chhilh hlum niin sorkar chanchinbuin a tar lang.
Zhaotong khawpuia chhiatna thlengah hian tui khang theihna khawp khaw vawt hnuaiah chhanchhuah hna thawh mek a ni a, tute nge thite hi tih pawh finfiah theih a la ni lo.
Tual chhung chanchinbuten video an tihchhuahah chuan chhanchhuaktute hi in leh building lian tak tak tlusawp karah hna an thawk tih a lang.
Mi 500 chuang hmun hima lak chhuah tawh an ni tih People’s Daily chuan a tar lang.
Lei hi zing dar 5:51 (India-a zing dar 2:41)-a min a ni a. Sorkar enkawl broadcaster CCTV chuan mi thenkhat chu in chim karah an la tang niin a tar lang.
Thuneitute chuan lei a min chhan hi an zawng mek bawk.
China tlangram hmun kilkhawrah hian lei min hi a tam a. January, 2013 pawh khan Zhaotong-a Zhenxiong county-ah lei min hian mi 18 vel a lo chhilh hlum tawh.
Chhanchhuah hna thawh hi chhunzawm zel a ni a, khua a vawt hle a, power supply a awm mumal loh bakah a hmun a chhengchhiat em avangin chet chak a harsa a, khawl lian chah pawh a thleng zung zung thei lo a ni.