AZL: Synod Inkhawmpui 2023-in a rel angin Delhi Pastor Bial chu January 21, 2024 (Pathianni) khan Synod Moderator Rev R Vanlalnghaka’n a hawng.
Synod Moderator hian tlai dar 4:30-ah Bial station, Delhi Kohhranah bial thar hawngin, Pathian thuchah a sawi a. Delhi Kohhran zaipawl leh West Delhi Kohhran zaipawlte an zai bawk. Bial thar hawn hma hian chhun lamah West Delhi Kohhran tlawhin, thuchah a sawi.
Bial thar hawn inkhawm banah hian Special Bial Inkhawmpui neih zui nghal a ni a, inkhawm zawng zawngte pualin bial thar hawn lawmna ruai theh zui nghal a ni.
Synod Moderator hi Rev. P.C. Pachhunga, Finance Officer-in a tawiawm.
Delhi Pastor Bialah hian Delhi Kohhran, West Delhi Kohhran & Dehradun Kohhrante an awm a. North Delhi lamah hian zirlai rualte leh hnathawka awmte tan inkhawmna hmun a awm bawk a ni.