Kolasib Bawrhsap John LT Sanga hovin nimin khan Kolasib-ah Prime Minister’s Awards for Exellence in Public Administration, 2023 chungchangah a kaihhnawih mipawim- awhte an thukhawm.
Bawrhsap chuan sawrkar hmalakna kalpui kawngah line department ten theihtawp chhuahin, a tha thei ang berin hna an thawk thin nia sawiin, ram leh mipui pawhin an sawtpui hle thin niin a sawi a. An hmalakna leh hlawh- tlinna chhuanawm tak tak mipuite hriata puanzar te, sawrkar hotute beng thleng tura hmalak te a pawimawh thu a sawi.
Sawrkarin hnath- awk thate chawimawina leh lawmman chi hrang hrang a ruahm- an thin te chu dawng ve thei turin mahni hnathawhte huaisen taka tarlan ve thin a pawimawh thu pawh Bawrhsap chuan a sawi a. Line department kalkhawmte chu PM Awards Scheme, 2023 hnuaia lawmman dawng thei turin dilna thehlut theuh turin a chah.
He thutkhawm ah hian PM Awards Sch- eme, 2023-in a huam sector hrang hranga line department hotute an kalkhawm a. He sche- me nihphung leh dil thei tura thil tul hrang hrangte an sawiho. Line department hrang hrang ten an hmalakna leh hlawhtlinnate chu tha tak leh felfai taka ziak chhuak in, hun tiam ral hma, January ni 31, 2024 hmain portal-ah dilna thehluh theuh tum ni se, an ti a ni.
PM Awards Sche- me, 2023 hi sawrkar hmalakna hrang hrang kengkawhtu department-te inkara inelna thianghlim a awma, chumi kaltlanga hmasawnna chak leh tlo zawk a awm theih nan te, ram chhung hmun hrang hranga tih dan phung tha leh hma- lakna tha bik te pho- chhuaha, hmun danga chhawm a nih theih nan te sawrkar laipui Ministry of Personnel, Public Grievan- ces & Pensions hnuaia ruahman a ni a. Category pahnih awmin, category 1-ah sector pawimawh bik 12 (Har Ghar Jal, PM- AY, PMJAY, PMM- VY, KCC, etc.)-a district chhunga hmalaknaa hmasawnna hua- pzo leh huam kim a awm dan atanga teha lawmman siam tur a ni a. Category 2-ah sawrkar laipui ministry/department, state leh district te hmalaknaa tih dan phung tha leh tharlam, hmun danga chhawm tlak thlan tur a ni thung.
Scheme hian April ni 1, 2021 leh January ni 31, 2024 inkara hnathawh leh hlawh- tlinnate a huam.