Ayodhya hmuna thlarau lama intuaitharna chang hlim hlawl Kangana Ranaut chuan film a siam tawh azawnga hautak leh phurawm ber, ‘Emergency’ chhuah hun tur a tichiang ta.
Indian Prime Minister hlui Indira Gandhi chanchin tarlanna leh inhnialna nasa tak chawkchhuak mek ni bawk hi June 14, 2024 hian tlangzarh a ni ang.
Indira Gandhi hringnun hi chai laih laih tham a tling a, ‘Emergency’ a puan phei kha chu tun thleng hian Indian Politics-ah nghawng lian tak a nei, a tih loh theih loh.
Kangana hian tlangzarh tur hun a tihchian rualin, Film poster a titchhuak tel bawk. “Prime Minister kan neih tawh zinga huai ber leh hlauhawm ber ni bawk chanchin chu a lo nung thar leh dawn ta a, June 14, 2024 hian Cinema Hall lama thawm ri hut hut tur hi i lo thlir zel ang,” tiin a ziak.