R-Day tihbuai tum JeM man

Jaish-e-Mohammad (JeM) firfiak pawla mi ni ngeia hriat mi pakhat, New Delhi-a Republic Day lawmna tibuaia bomb hmanga beih tum nia hriat chu Delhi Police-ten an man tih an puang.

An mi man hi Abdul Latif Ganai a ni a, Umair tih leh Dilawar tih pawhin an ko thin a. Delhi Police-a Special Cell chuan Pathianni zan khan an man a, niminah an puang chauh thung a ni.

Tun hnai lawka Srinagar-a grenade tihpuaha a mawhphurtu an man an dawpnaah JeM firfiak pawl zinga mi, Delhi-a mi tamna lai, Republic Day lawmna neih laia chet tum an awm thu a sawi an chhuinaah an man tih an sawi.

Dilawar hian an man zan hian hmanrua rinhlehawm tak tak pawh a lo kawl a. Jammu & Kashmir lama team tirh pawhin IED/grenade 2 an hmu bawk a. Bandipora-a cheng, Hilal an tih chu an man bawk a, ani pawh hi Delhi-a pawikhawih tum tho nia hriat a ni.

Delhi police hi Srinagar Police nen inbepawpin Jammu & Kashmir-a beihna thleng titu an man atangin thil an hria tih an sawi.

Leave a Reply

error: Content is protected !!