Lunglei Bawrhsap Ramdinliani’n “Kumthar 2024 hi sawrkarna thar nen kan chuangkai a, mipui ten phurna leh beiseina sang tak neiin, ram inrelbawlnaah kalphung thar sawrkar lakah an beiseia, sawrkar pawhin mipuite beiseina ti thlawn lo turin chak takin hma an la tan mek a. Hemi kawngah hian keini mipui pawhin India khua leh tui tha kan nih angin sawrkar tha tichaktu leh khalh ngiltu ni turin inpuahchah ang u” a ti,
India Republic Day lawmna Thuamluaia Mual, Lungleia khuallian Lunglei Bawrhsap chuan Lunglei district mipuite hnenah dan leh hrai zawm that kawngah te, kawng hrang hra- nga sawrkar an tawiawm thinna kawngah te lawmthu sawiin, District Administration in tawiawm that na avangin Lunglei Municipal Council leh Mizoram Legislative Assembly-2023 Inthlanpui te pawh tha taka kalpui thei an nih thu a sawi a. Lok Sabha inthlan lo awm leh turah pawh mipui thawhpuina leh tawiawmna a ngen.
Kum kalta chhun- ga Lunglei District-a Department hrang hr- angte hmalakna lang- sar zual te Lunglei Bawrhsap chuan a sawi bawk.
Lungleia Republic Day lawmnaah hian Parade Contingent 24 awmin, Armed Contingent-4, Unarmed Contingent- 6, School Contingent- 12 leh Band Party 2 te an ni a. Unarmed Contingent-ah NCC Lunglei Govt. College chu pakhatna niin, Air Wing Baptist Higher Secondary School chu pahnihna an ni a, NCC Baptish English School te patuhmna an ni.
School Contingent-ah 2Bn MAP English School chu pakhatna an ni a, pahnihna Sacred Heart School niin, Govt. High School Lunglei te pathumna an ni.
Governor Silver Medal dawngtu Sub. Inspector Narendra Kr. Basnet 2Bn MAP leh Fire Service Medal for Meritorious Service, 2023 dawngtu Fireman Lalnunpuia, Fire & Emergency Services Lunglei te hnenah Bawrhsap-in Medal a hlan bawk.
Lungleiah hian Republic Day puala Quiz Competion buatsaih a ni a. Ramluahpuia, BA (2nd Sem), Lunglei Govt. College chu pakhatna niin, Malsawmhluii Hrahsel, (Class VIII), Holy Faith School chu pahnihna a ni a, R. Lalrinpuii, (Class VIII), Baptist English School pathumna a ni.
Republic Day lawmna pual hian Hospital, Home hrang hrang leh Jail-ah te thil pek hlan a ni a. Bawrhsapin faina kawnga hma la tha te hnenah lawmman a sem a. Republic Day Volley Ball leh Tennis (Men & Female) Champion leh Runner up te hnenah Trophy, Certificate leh pawisa fai a hlan bawk.