Aizawl : Kum 2023-2024 ah Serchhip District-ah MGNREGS job card holder 16,033 te tan December, 2023 thleng khan inhlawhna ni 69 siamsak an ni a, PMAY-G ah Serchhip District chhungah beneficiary chhungkaw 426 chu Sawrkar Laipui RD Ministry chuan a pawm a, heng zinga 266 tan sanction pek chhuah a ni tawh.
PM-Kisan hnuaiah loneitu ten hamthatna kum khatah Rs. 6000 an dawn theih nan theihtawpa hmalak chhunzawm reng a nih thu thu Serchhip Bawrhsap David Lalthantluanga’n a sawi a. Serchhip district atanga dil zawng zawng te uluk taka verify an nih hnuah a daw- ng thei tur 5747 thlan chhuah an nih thu sawi- in, e-KYC, APBS fel thlap te chu January, 2024 hian 16th installment pek an nih tur thu a sawi.
Horticulture hmalak- na langsar zingah Dra- gon Fruit chin beihpuithlak a nih thu pawh Serchhip Bawrhsap ch- uan sawiin, 2023 khan dragon fruit phun tur 9000 semchhuah a nih thu leh 600qtls thar chhuah a nih thu a sawi a. Greenhouse tomato quintal 450 tharchhuah a ni a, zikhlum pawh quintal 10,000 zet Serchhip District ah thar- chuah a nih thu a sawi.
Health Department hmalaknaah Serchhip District-ah January 2023 – December 2023 chhung khan nau piang 435 an awm a, thi 11 awmin Infant Mortality Rate chu 25.3 a ni a, nu nau chunga thi erawh an awmlo. Mirethei ten hospital-a inenkawlna man tlawm an dawn theih nan ABPMJAY hnuaiah Serchhip District chhungah chhung- kaw 42,000 te Golden Card siamsak an ni a. Nu ten hospital-ah ngei nau an hrin theih nan JSY leh JSSK scheme kalpui niin sawrkar damdawi in panna leh senso dang zawng zawng sawrkarin a awl a, JSY scheme chhawr tangkaitu mi 464 awm tawhin JSSK beneficiary mi 392 an awm.