Barcelona manager Xavi chuan season tawpah club a chhuahsan tur thu a sawi a. Inrinni zana Villarreal laka an muala 5-3 a an tlawm hnuah a thutlukna hi a sawi chiang.
Barcelona leh Spain midfielder hlui hian kum 2021 November khan Qatar club Al Sadd atangin Barcelona hi a enkawl a. A season hmasa berah La Liga title lakpui mahse tun season-ah hmahruaitu Real Madrid chu point 10 in an pha lo.
“He club chanchin a bet tlat tawh hi ka ni a, keimah aiin he club hi ka dah hmasa fo thin. A tan ka theihna zawng zawng ka hlan tawh a, fans te lawmna siam turin ka huntawp hma chu ka chhunzawm zel ang.” tiin a sawi.
A thutlukna sawifiahin, “Club in thil inthlak danglam a mamawh niin a ka hria. Player te tana tha zawk a nihna pawh a awm ang. Rilru zalen takin an inkhel thei ang, tunah chuan phurrit phur chunga inkhel ang kan ni.” tiin a sawi belh.