Los Angeles Lakers leh Golden State Warriors te Pathianni zingah inkhelin 145-144 in overtime vawi hnih an khelh hnuah Lakers an chak.
Pathianni tuka Warriors court Chase Center a inkhel hi NBA star hlun pahnih LeBron James leh Stephen Curry te inkhel a nih avangin ngaihven a hlawh.
Kum 39 mi James hi NBA a player upa ber nimahsela point 36 score in rebound 20 leh assist 12 a nei a, an team tana thawhhlawk a ni a, second khat chiah awm tawh a free throw vawi hnih a lut chu an chakna a ni.
Lehlamah Curry-a’n point 46 leh assist vawi sarih a nei ve thung a, inkhelah ani aia point score hnem an awm lo.