La Liga table chung berah Girona an kir a, Celta Vigo lakah point thum hmu tura hnehna an chan zanah an khingpuite aiin kheltha zawk lo mahse an tlo zawk.
Pathianni zanah Estadio de Balaídos-ah Girona hian Real Madrid lehpel turin chak ngei an mamawh tih hre sa in khelmual an lut a. First half-ah Portu chuan minute 20-naah Miguel Gutiérrez ball cross chu rang taka nang fuhin goal-ah a khung a, he goal hi 1-0 in an chakpui.
Girona chak chhan lian tak hi goalkeeper Paulo Gazzaniga a ni a. Ani hian vawi tam tak a team a chhanhim.
Óscar Mingueza goal khung tur a dansak bakah Jorgen Strand Larsen tauh goal tur bakah Anastasios Douvikas lakah vawi hnih save ropui nei bawkin Luca de la Torre goal shot nghet takin a lo dang thei bawk.
Girona coach Míchel chuan, “Europe huap inelna kan hnaih sawt mai thei a, a bak sawi tur erawhin a la hma lutuk, vawi 6 inkhel leh ila, kan dinhmun beisei ngam tur a hriatthiam theih deuh mahna.” tiin a sawi.