MZP hruaitute chuan School Education leh Higher & Technical Education Deptt changtu Minister Dr Vanlalthlana chu nilaini tlai khan a pisa-ah an hmu a, inkawmhona hun tha tak an nei.
He hunah hian MZP Executive Committee Meeting in a rel Mizoram Eduction Service (MES) chungchang leh Rashtriya Uchchatar Shiksha Abhiyan(RUSA) hnuaia College building sak mek bakah District Institute of Education & Training (DIET) chungchang te an sawipui a ni.
MZP chuan, Mizoram zirna in hma a sawn zel theih nan leh a enkawltu mumal tak an awm theih nan MES din turin Mizoram Sorkar thuneitute vawi tam tak alo ngen tawh thin a. Sorkar tharin Policy -ah a lo neih ang ngeiin, Mizoram zirna enkawtu tur bik MES din ngei turin Minister hi ngen a ni. Heng bakah hian RUSA hnuaia college Building sak mek, a huna zawh loh tam lutuk hi enzui turin Minister hi ngen a ni bawk.
Minister chuan, MZP thu thlen hi an lo enzui tur thuin a lo chhang a, hma an lak tan tawh thu leh Education reforms Committee-in a zirchian mek thu sawiin, RUSA hnuaia hnathawk mekte a hmunah a tlawh mek thu leh theih ang anga a enzui tur thu a lo sawi a. Sawrkar hmalaknaah tawiawm zel turin MZP hruaitute hi a lo a sawm bawk.
MZP chuan DIET Building hmun hrang hrang sak mekte pawh, a sak dan chungchang ah sawiselna tam tak MZP in a dawn avangin a tul anga enzui a tum thu Minister hi an hrilh nghal a, Minister tawiawmna an ngen nghal a ni.