UD & PA Department-in nimin khan Khawzawl-ah DAY-NULM hnuaiah Khawzawl thalaite tan Free Skill Training a buatsaih.
Zuchhip YMA hall-a training buatsaih chu Khawzawl DUDO Vabeimozachhi Chozah chuan a hawng a. DAY-NULM hnuaiah Khawzawl district thalaite tan training chi 4 – Assistant Electrician, Tailoring, Baking leh General Duty Assistant course te a thlawna zir tura buatsaih a ni leh ta chu lawmawm a tih thu sawiin, hei hian Khawzawl thalaite tan eizawnna kawngah hun tha a siamsak a beisei thu a sawi.
Tunlaiah sawrkar hna, thalai ten an indaih tawh loh thu leh mahni kea din theih a pawimawh tawh thu Khawzawl DUDO chuan a sawi a. Mahni kea ding thei tur leh mahni intodelh thei turin an thil zir turah thiamna tak tak nei turin training a tel te chu a chah a ni.
Assistant Electrician, Tailoring, Baking leh General Duty Assistant Course training-ah hian Course tinah mi 30 zel an awm a, thla 3 chhung an training ang.