National Highway 54 sial hnathawhin chenna In a sut chhiat dawn avanga zangnadawmna la tawh zingah, in thiahna tur thupek tun thlenga zawm lo, Tawipui S khuaa In pakhat chu nimin khan Competent Authority for Land Acquisition (CALA), Lunglei District aiawh Assistant Sattlement Officer leh Executive Magistrate ni bawk K. Lalhlimpuia hova thiah sak an ni.
Tarlan tawh thin angin NH54 kawngpui sial mekin in a sutchhiat dawn avanga zangnadawmna pek tawh, In la thiat lo leh insaseng duh lo te vawi tam tak thuneitu ten an in te thiata, insaseng turin a hriattir tawh a. Nimin thleng pawha thupek zawm duh lo la awm te in chu thiahsak an ni ta a ni. Naktuk lamah Thualthu leh Thaizawl khuaa thupek zawm duh loh te In thiahsak leh an nih tur thu sawrkar thuchhuah chuan a tarlang bawk.
Sawrkar thupek zawmlo te in thiahsaknaah hian Surveyor leh Police lam te pawh an tel a ni.