AZL: Nilaini zan khan Excise & Narcotics Department chuan Kawlbem ram, Saitual District-ah ganja thahnem tak leh a neitu an man.
Excise-te hian ganja hi Khualdokap (44), Tuihmui, Tiddim District, Chin State, Myanmar-a khawsa nia inchhal a ni a, ganja hi a vaiin kgs. 112 a ni.
Khualdokap hi dan tlawhchhanin thubuai siamsak a ni a, nimin chhun khan Special Court (NDPS Act), Aizawl-ah hruai nghal a ni.
Hetih lai hian, END hian kumin February thleng khan rakzu litre 12,608.010 leh sap zu (IMFL 750 ml) bottle 3,373, heroin Kg 15.199 leh ganja kg 238.633 an man tawh a ni.