Lok Sabha inthlan lo awm tur ata- na inbuatsaihna kalmek ah nimin khan South Tuipui biala Electronic Voting Machine (EV- M) hman tur thlen belhte chu a thawhkhatna atan endik a ni a. Nim- in vek khan Saitual-ah pawh EVM endik a ni.
Kumina Lok Sabha inthlana hman tur EVM tam zawk te February ni 13-14, 2024 chhung khan endik an ni tawh a. EVM thlen belh leh a awm a, chung te chu endik chhoh leh mek a ni a. Nimina Hnahthi- ala endik te hi Control Unit 10 niin, a siamtu Electronics Corporation of India Limited (EC- IL) engineer pahnih ho- va endik niin, election official-te leh political party hrang hrang aia- wh te an tel bawk.
Nimin veka Saituala endik te chu Ballot Unit (BU) – 10, Control Unit (CU) – 50 leh VVPAT – 15 an ni a. Dr. Lalng- ura Tlau, District Election Officer, Lalthaki- ma Chhangte, Election Officer/SDO(S), EVM Engineer pahnih-in an vil a. Political party ai- awh te pawh telin, vote an thlak chhin a ni.
Kumina Lok Sabha inthlanpui lo awm tur atana inbuatsaihna kal mekah hian chanvo hr- ang hrang nei – Election Expenditure Monitoring hnuaia team hrang hrang – Asst. Expenditure Observer, Accounting Team, Flying Squad, Static Surveillance Team, Video Surveillance Team, Video Viewing Team, Model Code of Conduct (MC- C) team te tan pawh training buatsaih chhoh mek a ni bawk.