AZL: Nimina Assembly Budget Session neihah Minister pathum – C. Lalsawivunga, PC Vanlalruata leh Lalrinpuii te demand sawiho a ni a, pawm a ni.
Lalsawivunga hna chanpualte chu Local Administration, Art & Culture, District Council & Minority Affairs leh Animal Husbandry & Veterinary te a ni a, heng department palite enkawlna tur sum ruahman chu Rs 9,05,18,52,000 a ni a. PC Vanlalruata hna chanpualte chu Agriculture, Co-operation leh Irrigation & Water Resources te niin a vaia enkawlna tur sum ruahman chu Rs 3,21,52,93,000 a ni.
Lalrinpuii hna chanpual Health & Family Welfare, Social Welafare leh Tourism department te enkawlna tur atana sum dah zawng zawng chu Rs 11,01,14,45,000 a ni.