Aizawl: Thualthu khuaa chenna in pali chu sorkar thupek angin nimin khan thiahsak an ni.
Thualthu khuaa in thiahsak neitute hi Hmangaihthangi, T.Thanliana, Lalruata leh Rinawmi te a ni. An chenna in hi District Collector/Deputy Commissioner, Lunglei District aiawh K. Lalhlimpuia, Assistant Sattlement Officer leh Executive Magistrate ni bawk hova thiahsak a ni.
Chenna in thiahsakte hi National Highway (NH) 54 kawngpui sial hna thawhin an chenna in a tihchhiat dawn avanga zangnadawmna pek tawh, thiahna tur thupek, ‘Eviction Notice’ pawh pek tawh, la thiat duh lo leh insenghawi duh lote an ni.
March 5, 2024 khan Tawipui ‘S’ khuaa S. Lalnghinga in pawh lo thiahsak tawh a ni.
NH54 sial mekin an chenna in a tihchhiat dawn avanga zangnadawmna an lo pek tawh; mahse, in la thiat loh leh insaseng duh lote hi vawi eng emaw zat thuneituten an inte thiata insaseng turin a lo hriattir tawh a. Mahse, thupek zawm duh loh an la awm cheu avangin March 5, 2024 atang khan Deputy Commissioner, Lunglei District chuan hma a la tan a ni.