Women and Child Development (WDC) department Minister Lalrinpuii chuan chhungkaw enkawltu nih leh ram hruaitu atan hmeichhia an tel a tul thu a sawi.
March 8 hi khawvel pumah ‘Hmeichhiate Ni’ a nih angin, Mizoramah pawh a lawmna pui ber chu Vana pa hall-ah WCD department, State legal Services Committee leh International Women’s Day Organisation Committee te tanghoin an buatsaih a ni.
‘Hmeichhe Ni’ lawmna hun hmanpui WDC department Minister Lalrinpuii chuan kawng hrang hrangin hmeichhiate’n an thawh hlawkzia te, a bikin Mizo hmeichhiate pawhin hma an sawn zel thu a sawi a. Hmeichhia te chu an thlen china lungawi mai lo vin, kohhran leh khawtlangah te theihtawpa thawk zel turin a fuih.
Lalrinpuii chuan hmasawnna hmeichhiate din hmun pawimawhzia sawiin, mawh phurtute zinga hmasa ber chu nute an nih thu a sawi a. Heichhiate din hmun chawi kan zel a tul thu sawiin, chhungkaw enkawtu nih leh ram hruaitu atan hmeichhia an tel a tul thu a sawi bawk.
He hunah hian Cabinet Minister Lalrinpuii leh hmeichhe MLA pahnih Prova Chakma leh Baryl Vanneihsangi Tlau-te bakah Social worker & Entrepreneur entawn tlak, Lalthangpuii Sailo (Biate), Lalrinmawii (Thakthing) leh Nunherdangzeli (Baktawng) te chu International Women’s Day pualin chawimawina hlan an ni.
Vana pa Hall-a programme hman zawhah hian Vana pa Hall atanga Aijal Club Park inkarah IWD Organising Committee te kaihhruainain IWD Parade neih a ni a, Govt Mizo High School Pipe band te chuan tawiawmin college naupang, MHIP member-te leh mi dang tam takin an zui bawk. Programme hi Zonunpari Sailo, JT Director WCD kaihruainaa hman a ni.