Aizawl: College of Veterinary Sciences & Animal Husbandry (CVSc & AH), Central Agricultural University, Selesih, Aizawl chuan nimin khan an College Conference Hall-ah International Women’s Day an hmang.
International Women’s Day College in a hmannaah hian Dr. Pragati Hazarika, Professor & Head, Department of LPT chu chairman a ni a. College-a hmeichhia zirtirtu (faculty) te, thawktute leh post graduate chin zirlaiten an hmang a. Prof. Fazal Ahmed, Dean incharge, CVSc & AH chuan khuallian niin a hmanpui a, hmeichhiate pawimawhzia leh hlutzia a tar lang.
Kumin International Women’s Day thupui, ‘Count Her In: Invest in Women: Accelerate Progress’ hmangin Dr. Lallawmzuali Ralte, Assistant Professor chuan kalkhawmte hmaah hmeichhiate hmakhua tihchak zel a nih theihna tur leh hmasawmna tur lam hmangin powerpoint presentation a nei a. He thupui hmang vek hian kal khawmte group sarihah inthen hrangin group discussion an nei bawk.