Aizawl : Dept. of Justice, Govt. of India leh CSC e-Governance Services India Ltd te tangkawpin India ram kum 75 mahnia inrelbawl thei a nih lawmna kal zelah Tele-Law State Level Workshop Cum Mela programme chu nimin khan Bawn- gkawn South YMA Hall-ah an buatsaih.
Secretary, Law and Judicial Dept Govt of Mizoram Helen Daw- ngliani leh Principal, Govt Mizoram Law College Dr. Esther L Chhangte ten he hun hi an hmanpui a. Law and Judicial Dept. Secretary chuan Tele law service tha a tih thu leh mipui tana a tangkai zia a sawi a, Court-a thubuai pending tam em em kara thubuai court a thlen hma a chinfel theihna tha tak technology thang zel hmang tangkai platform a awm chu mipui te pawh hmang tangkai zel turin a chah.
Dr Esther L Chhangte pawhin ‘Reaching the Unreach’ tih chu a project in a tum ber a nih thu a sawi a, Miharsate leh hmun hla zawk atanga Lawyer rawn mai theih chu Mizo mipui ten hei aia nasa zawka hmang tangkai tura a duh thu a sawi a ni.
Tele Law Project hi Department of Justice Project niin, delivery point ah CSC e-Governance Service te hman an ni a. Mizoramah chuan kum 2017 atangin tun thlengin case 17161 chuang register tawh niin, heta tang hian Panel lawyer ten case 16941 ah thurawn an pe tawh a, District zawng zawngah CSC kaltlang- in dan lama hriat duh nei ten a thlawnin Mizo tawng ngeiin ukil thurawn an la thei a ni.
He Programme hi hun hniha then niin, hun khatnaah Law and Judicial Dept. Secretary-in Tele Law Booklet leh Voice of Beneficiary a tlangzarh a. Tele Law Project a lawmman chi hrang hrang – Village Level Entrepreneur ti tha zualte hnenah lawmman hlan a ni.
Hun hnihna chu Vanlalremkima Ralte, SP- OC tele law in kaihruaiin, Lalrempuia, Panel lawyer in kalkhawmte zirtirna a pe a, zawhna leh chhanna hun an hmang bawk.