Aizawl: Tourism Minister Lalrinpuii’n Thenzawl Golf Course chu a enkawl a hautak a, sum thuni nu a nih ringawt thu house a hrilh.
Nimin assembly session-ah member-te zawhna chhangin Lalrinpuii chuan golf course chu a enkawl a hau tak em avangin outsource dan kawng an zawng a, Council of Minister thutkhawma ngaihtuah tura chhawpchhuah an tum thu a sawi a. Golf Course dinhmun sawi chhunzawmin, Swadesh Darshan hnuaiah Rs. nuai 6,448.08 senga sak zawh a ni a, August 4, 2020 khan hawn a nih thute, Golf Course leh Wellness Centre te chu Mizoram Tourism Development Authority (MTDA)-in a enkawl a, Thenzawl Auditorium chu tourism department a nih thu a sawi.
Tourism minister chuan Unity Mall DPR chu approve a la ni lo a, finance ministry-in unity mall atan sum a la release lo niin a sawi a, sorkar hmasain a thuphungin Aizawla Muanna Vengah unity mall chu dah tum mah se official-a tihchian a la awm lo tih a sawi.
Unit mall chungchang an sawiho lai hian House Leader Chief minister Lalduhoma chu inrawlhin unity mall chu khawi hmuna din pawh ni se, a sum chu financial year tawp hmaa release turin a ngen niin house a hrilh a, a hrilh ni la lain ngaihtuah an tum a, vawiinah emaw, zaninah emaw chuan thu chiang a awm a ring a, finance ministry-in Mizoram a ngai pawimawh a, an pe dawn nge pe dawn lo erawh tih an hre lo niin a sawi bawk a ni.