Aizawl : Local Adminsitrarion department, Champhai district-in Ningani leh nimin khan Champhai leh Khawzawl district-a Village Council member-te tan training a buatsaih a. He hun hmanpuitu District Local Administration Officer (DLAO) Moses Lalfakawma Tlau chuan VC-te chu khawtlang hmasawnna ngaihtuahtu pawimawh tak an nih angin an tha tichak lehzual turin LAD chuan hma a la niin a sawi.
Moses Lalfakawma Tlau chuan VC te chu khawtlang hmasawnna ngaihtuahtu an nih angin an hna thlan te uluk leh zual turin a chah a. Vantlang mamawh tak leh Sustainable Development Goals thil tum tihlawhtling ngei thei tur thlang thiam turin a chah.
VC te chu mahni intodelh tuma hma la tura chahin, hnathawh tur an duanin sum dehchhuah theihna tur thil leh own source revenue nei tura hna thlang uluk turin a chah a. Hemi kawngah hian mithiam zawkte rawn tam turin DLAO chuan a chah bawk.