General Administration Department changtu, chief minister Lalduhoma’n sorkar hnathawk officer zingah an kawl theih aia staff leh lirthei kawl la dah kir lo te chungah action lak a ni dawn tih house a hrilh.
Nimin Assembly session-ah MNF Member K Laldawngliana zawhna chhangin Chief minister Duhoma chuan, Mizoram sawrkar hnuaiah entitlement aia tam staff leh motor kawl an awm hriat a ni lo a, hetiang an lo awm a nih chuan February, 2024 chhunga lo inchingfel tura hriattir an nih thu a sawi a, chumi hnu lama an la kawl chuan action lak a ni dawn tih a sawi.
Chief minister chuan, entitlement aia tam staff leh motor kawl an awm leh awm loh a ruka endik tu an siam thu a sawi a, chung mite chuan sorkarin a rem tih loh ti lui an hria a, an report a nih chuan an phu tawk hremna an pek ngei dawn tih a sawi bawk a ni.