Manchester United co-owner Sir Jim Ratcliffe chuan club in £100m zet senga kum 19 mi Benfica midfielder Joao Neves dawr an tumna pawmpui a tum. (Mirror, via Mail)
Manchester United chuan England captain Harry Kane chu nipui bazar inhawn hunah lak theih tur awma a awm phawt chuan la turin an tih theih eng pawh tih an tum. (Give Me Sport)
Paris St-Germain manager Luis Enrique chu France striker Kylian Mbappe chu an hnen atangin a chhuak dawn tih a nemnghet ta niin a lang a. Kum 25 mi hi Pathianni zanah Reims nen an inhmachhawn tumin bul a tantir lo. PSG hian an player langsar Mbappe hi a hma lam hun atan duhsakna sang ber an hlam. (Goal)
Liverpool chuan Jurgen Klopp hmunruak luahtu tur an dap chhunzawm zel a. An manager thar ni tura an duh zual zingah Brighton manager Roberto de Zerbi, Germany boss Julian Nagelsmann leh Sporting Lisbon manager Ruben Amorim te an tel. (Football Insider)
EPL club lian pathum; Manchester United, Manchester City leh Liverpool te nena sawi zawm Germany midfielder Joshua Kimmich chu Bayern Munich nen contract thar chungchangah inremna an la nei thei lo. Kum 29 mi Kimmich hian Bayern ah thla 18 chiah contract a nei tawh. (90min)
Arsenal chuan nipui bazar inhawn hunah an full-back Kieran Tierney hralh an duh a. Gunners hian Scotland defender manah £20m zet an chhiar. (Give Me Sport)
Tottenham in an ngaihven English midfielder Conor Gallagher hma lam hun tur chungchangah Chelsea in thutlukna an la siam lo. (Caught Offside)
Chelsea chuan nipui bazar inhawn hunah an player neih sa 15 vel zet hralh an tum. (Football.London)
Manchester United chuan English rawlthar midfielder Kobbie Mainoo chu kawl chhunzawm ngei an duh a. A hlawh lak mek let thum zeta tam hlawh thei turin an dawr a. Kum 2023 thleng daih conract ziahpui a tum hle. (Sun)
AC Milan chu Arsenal nen Poland left-back Jakub Kiwior chungchangah an indawr chhunzawm zel. (Fichajes, via Team Talk)