Manchester United chuan nipui bazar inhawn huna lak an tum ber atan Everton leh England Under-21 defender Jarrad Branthwaite an hual. (Star)
Crystal Palace winger Michael Olise pawh United hian nipui bazar inhawn hunah lak theih an beisei hle bawk. (Football Transfers)
An manager Erik ten Hag hma lam hun chiang lo teh reng pawh ni se United hian Everton in £75m an chhiar Branthwaite lak ngei an tum. (Mirror)
Everton chuan kum 23 mi Hull City defender Jacob Greaves lak an duh a. Championship club hi EPL-ah an kai sang lo a nih chuan Greaves hian EPL a pan ngei a beiseiawm. (Football Insider)
Manchester City chuan Newcastle United atangin Brazil midfielder Bruno Guimaraes lak an tum a. Guimaraes hi £100m sengin a lakchhuah theih dawn. (Football Transfers)
Arsenal chuan Manchester United number one Mary Earps an ngaihven ta lo va, nipui bazar inhawn hunah kum 24 mi Aston Villa keeper Daphne van Domselaar lak tumin ruahmanna an siam. (Telegraph – subscription required)
Tottenham chuan Manchester City, Liverpool, Newcastle leh Arsenal ten lak tuma an ngaihven Portugal winger Pedro Neto chu Wolves atanga lak tumin an ngaihven thar ve leh. (Football Insider)
Liverpool kalsan mai tur manager Jurgen Klopp chuan Liverpool hnenah Wolves atanga Algeria left-back Rayan Ait-Nouri la turin a kawhhmuh. Kum 22 mi hi Manchester United pawhin an bengkhawn ve bawk. (Teamtalk)
Borussia Dortmund-ah loan a khel mek England winger Jadon Sancho chuan Manchester United ah kir leh chakna a nei lo. United manager Erik ten Hag chu a career tikhawbutu-ah a la puh zui reng. (Bild, via 90min)
Dortmund hian an hnena par lo chhuang tawh Sancho hi kawl chhunzawm an duh a, Sancho thlengna tur dapin, Netherlands striker Donyell Malen chu Old Trafford pantir an hreh lo. (Fichajes – in Spanish)
Manchester United in an manager Erik ten Hag an ban a nih chuan zangna dawmna turah £10m chuang an sen a ngai dawn. (Times – subscription required)