Arsenal in nipui bazar inhawn huna forward lak an tum ber chu Sporting Lisbon leh Sweden forward Viktor Gyokeres a ni a. Kum 25 mi Coventry player hlui hi a lakchhuah theihna zat chu £85m a ni. (Football Transfers)
Liverpool chuan Barcelona hnenah Colombia winger Luis Diaz chu an ruahmannaah a la tel reng tih an hrilh a. Kum 27 mi hi nipui bazar inhawn hunah pawh an zuar dawn lo tih an hrilh tel bawk. (Mirror)
Arsenal leh Liverpool te chuan Eintracht Frankfurt leh Ecuador centre-back Willian Pacho an ngaihven. (90min)
Arsenal winger Reiss Nelson chu Brighton in nipui bazar inhawn huna lak an tum ber a ni. (Teamtalk)
Manchester United chuan Getafe-ah loan a khel mek English forward Mason Greenwood manah £43m an chhiar. Kum 22 mi Greenwood hi Saudi Arabia club hming tarlan lohin lak tumin an ngaihven. (Mirror)
Manchester United chuan Newcastle United midfielder hlui Mikel Merino chu England-ah hruai kir leh an duh a. Spain international hian Real Sociedad tan a khel mek. (COPE – in Spanish)
Juventus leh AC Milan ten ngaihven ve bawk mah se Atletico Madrid defender Mario Hermoso lak tuma intlansiaknaah Aston Villa in hma an hruai mek. Kum 28 mi hi nipui bazar inhawn hunah free transfer in a lak theih dawn. (calciomercato.com)
Chelsea chu nipui bazar inhawn hunah inthuahthawl viau an mamawh dawn a. England forward Raheem Sterling pawh hralh tura an chhawpchhuah zingah a tel. (Mail)
West Ham chuan Sporting Lisbon leh Portugal attacking midfielder Pedro Goncalves an thlithlai. Kum 25 mi hian June 2027 thleng Sporting-ah contract a nei a, a lakchhuah theihna zat chu £68m a ni. (Record – in Portuguese)
Manchester City chuan kum 31 mi German goalkeeper Stefan Ortega chu a contract pawh sei tumin an dawr. (Florian Plettenberg)
Nice chuan Manchester United in lak tuma an ngaihven France defender Jean-Clair Todibo manah 55m-60m euros (£47m-£51m) fan chhiar. (90Min)
Everton chuan club dang pana chhuak ngei tura ngaih Jarrad Branthwaite hmunruak luahtu tur an dap tan a. Hull City defender Jacob Greaves chu lak an duh hle. (Football Insider)
Newcastle United in champions league an khel phak lo a nih pawhin manager Eddie Howe chuan club enkawl zui a tum. (Telegraph – subscription required)
Manchester City leh England defender Kyle Walker chuan sum hlawm lian hlawh turin Saudi Arabia pan a hreh lem loh thu a sawi a. Tun maiah chuan Premier League chhuahsan tura a la inpeih loh thu a sawi tel thung. (Five)
Fulham leh Nottingham Forest te chuan Bologna leh Scotland attacking midfielder Lewis Ferguson, Serie A season kal meka goal ruk thun tawh an ngaihven. (calciomercato.com – in Italian)
Brighton midfielder Marc Leonard chu Preston, Plymouth leh Swansea ten lak tumin an ngaihven hlawm. (Fabrizio Romano)