Ed Sheeran zai leh music ngaithla turin India a inpeih tan ta a, concert ngahhlelhawm tak, ‘+–=÷×’ tia vuah chu Mach 16, 2024 hian Mahalaxmi Race Course Grounds, Mumbai-ah neih a ni ang.
Ticket man hi Rs 9,500 atangin a intan dawn a, bookmyshow.com ah lei theih a ni ang. Hetih lai hian, South Deck ticket a to angreng a, Rs 16,000 atanga intan tur niin, entry lane, lavatory, food & beverage zone leh viewing deck remchang tak chhawpchhuahsak an ni ang.
Ticket sales hi transaction vawikhatah mi paruak tan chauh a theih dawn a, ticket hralhchhawn leh a remchang lo thung.
Ed Sheeran hian 2017 khan India ramah concert hlawhtling tak a lo nei tawh a, tun tum hi a vawihnih lo kalna tur niin, mimal tak pawhin a phur hle.