Agriculture minister PC Vanlalruata’n sorkarin thlai thar tihralna kawngah a pawp a hnawh dawn a, minimum support price an pe dawn tih house a hrilh.
Nimin Assembly session-ah member te zawhna chhangin Agriculture minister chuan an policy-a thlai thar lei an tih chu a nihna takah chuan sorkar in thlai thar chu va leiin buara a va dawh dawn tihna lam ni loin, a pawp a hnawh dawn a, society te’n thlai thar chu an lei anga mumal taka thlai an hralhna turin minimum support price an pe dawn tih a sawi.
Agriculture minister chuan sorkarin thlai thar lei tur a thlan bikah kuhva a tel lo tih a sawi a, hetihlai hian kuhva chungchangah hmalak a ni dawn a, bana kaih policy hmangin kuhva rah sawngbawlna tur buaipui an tum a, a tih ro dante an ngaihtuahpui dawn a, a scope na turte pawh buaipui an tum thu a sawi a, chungte chu kuhva chingtuten man man zawka an tih ral theihna tur a nih thu a sawi a ni.