Mizoram Football Association (MFA) chuan a vawi thumna atan MFA Women’s League 2023-24 a buatsaih leh dawn a; April ni 11 atang hian AR Lammual ah khelh tan tura ruahman a ni.
Kumin MFA Women’s League hi Open a nih dawn avangin – veng, khua, club leh Institution anga tel theih a ni ang.
Women’s League ah hian State aiawha khel tawh player pariat an inziak lut thei ang a, playing eleven ah mi paruk an awm thei ang. MFA Women’s League 2023-24 ah hian inkhelh apiangin Match Money a awm dawn a ni.
3rd MFA Women’s League hi team/club paruk tan buatsaih a nih avangin, team/club in ziaklut hmasa apiang duhsak an ni ang a. Tel tum te chuan tun thla, March ni 23 (Inrinni) hmain a hnuaia hming ziak hnenah hian inhriattir tur a ni e.
R. Lalramzauva, Secretary, MFA Women’s Committee. Phone: 9436156858