Diktawn Monthly Magazine bu tuma kum tina thlan thin Miss Chapchar Kut 2024 atan Tuikual North nula Laltanpuii chu thlan niin, category dang atangin ‘Hmeltha ber’ a thlan a ni bawk.
Miss Chapchar Kut 2024 thlan hi Chapchar Kut ni March 1 atang khan tan niin, March 2 khan Top 10 leh Top 5 te thlan chhuah an ni a, Top 5 te chu March 6 khan Interview neihpui leh niin March 15 zan khan Vanapa Hall-ah result puan leh lawmman hlanna hun hman a ni a, Miss Chapchar Kut 2024 atan Tuikual North nula Laltanpuii, D/o Lalngaihawma chu thlan a ni.
1st Runner up – Rita Lalnunthari, Kulikawn
2nd Runner up – Vanlalzami, Venghnuai
3rd Runner up ah mi pathum:
Dr. Christina Lalniengi, Chanmari West. Lalmalsawmi, Ramthar. KC Remruatfeli, Chhinga veng
Heng bakah hian Category dang thlan chhuah niin hetiang hi result a ni:
Hmeltha ber – Laltanpuii
Zo thuam inhmeh ber – Rita Lalnunthari
Most Intelligent – Dr.Chritina Lalniengi
Pian nalh ber – Lalmalsawmi
Miss Multimedia – Vanlalzami
te an ni.
Miss Chapchar Kut hian lawmman atan pawisa fai Rs. 50,000/- bakah Citation, Photo Frame leh thilpek dang a dawng a, Runners Up te hian lawmman atan pawisa fai Rs. 5,000/- bakah Citation, Photo Frame leh thilpek dang an dawng bawk.
Miss Chapchar Kut Top 3 te hi Foreign tour hmuhsak niin, Dubai trip neihpui an ni dawn bawk a ni.