Pathianni zana Italian Serie A khelhah champion lai Napoli leh hmahruai mektu Inter Milan an inkhel a, 1-1 in an inhnehtawk. Champion lai lakah tlawm an pumpelh vangin Inter Milan in champion an hnaih deuh deuh zel.
Table-a hmahruai mektu Inter hian an mual Stadio Giuseppe Meazza-ah bul an tan tha a, goal thun hmasa zawkah an tang. Chawlhlawk dawn hnaih minute 43-naah United defender hlui Matteo Darmian chuan hmahruaina goal a thun a, he goal hmang hian hun rei tak chhung hma an hruai.
Inter Milan lakah an tlawm mai dawn emaw tih hnuah Napoli an che fuh a, hun tawp dawn hnaihah an si phurh an sut. Napoli si phurh sutna goal hji minute 81-naa Juan Jesus thun a ni. Jesus goal thun hnu hian goal dang a luh belh tawh lova, team pahnih inkhel hi 1-1 in an tawp.
An mualah chak zo lo mah se Inter Milan hian khelh 29 atangin point 76 an hmu a, point 14 laiin AC Milan laka hma an hruai fal tawh. Champion thar ni turin Inter hian vawi li chak chiah an mamawh tawh a ni.