Thawhlehni khan PC Vanlalruata, Agriculture Minister chuan Nalzawl leh Saipuilui khua a tlawh a, ZPM zawm thar thahnem tak a lawm lut nghal bawk.
PC Vanlalruata chuan, “Kalphung tharah mipuiin beiseina an neih san em avangin ZPM sawrkar a ding a, Pathian leh mipui zara he sawrkar thar hi lo ding thei a nih avangin ram leh mipui tan theihtawp a chhuah zel dawn a ni. Ei leh bara kan intodelh theih nan hmachhawp tam tak kan nei a, ka department chan hi a hnarkaitu pawimawh tak a nih avangin theihtawp ka chhuah dawn a ni,” a ti a. Hun kal tawh a kan lo tih danah thil fuh lo leh fel hlel a awm a nih chuan siam ṭha tu nih kan tum tur a ni a, kuthnathawktute hi kan ram leh hnam fin chhuagna atana a kila lung tangkai yak an noh avangin kuthnathawktute dinhmin chawikan hi kan thupui ber pakhat a ni reng dawn a ni. Thawhrimna leh rinawmna tel lo chuan hmasawnna hi a tluantling thei lo va, chung lam malsawm tlaka hnathawk turin mi zzwng zawng kan insawm nawn leh duh a ni,” a ti bawk.
Tun dinhmunah Nalzawl khuaah hian VC member 5 an awm mek a, heng zinga Congress VC member pahnihte hi Agriculture Minister hian ZPM ah lawm taka lawm lutin, anmahni rual hian mi 56 dang lawmluh an ni a, Saipuilui khuaah Congress atangin mithar 32 a lawmlut nghal bawk.
PC Vanlalruata hi Deputy Speaker Lalfamkima’n a tawiawm a, ZPM General Headquarters hruaitu thenkhat bakah ZPM Mamit Central Block hruaituten an tawiawm bawk a ni.